Ciidanka Booliska Oo Shaaciyey Inay Gacanta Ku Dhigeen Koox Dilal Ka Gaysatay Magaalada Laascaanood
Ciidanka Booliska Oo Shaaciyey Inay Gacanta Ku Dhigeen Koox Dilal Ka Gaysatay Magaalada Laascaanood
Laascaanood (HWN):-Ciidanka booliska gobolka Sool oo uu hogaaminayo taliyaha qaybta booliska ee gobolka Sool gaashaanle dhexe Cali Axmed Shire, ayaa gacanta kusoo dhigay Shabakad aragagixiso oo dilal qorshaysan hore uga fuliyay gobolka Sool sida lagu xaqiijiyay qoraal ka soo baxay booliska qaynta gobolka Sool.
Gacan ku soo dhigga kooxda argagixisada ah ayay boolisku kala kulmeen iska caabbin iyo dagaal ay booliska kala horyimaadeen balse ugu dambayn ciidanka booliska ayaa gacanta kusoo dhigay.
Ciidanka booliska oo muddooyinkii u danbeeyay ku hawlana baadhitaano iyo dabagal xoogan, waxa u suuragashay inay soo qabqabtaan shabakad ciidanku siweyn ugu dabajireen.
Ciidanka booliska gobolka Sool oo kaashaanaya shacabka degmada Laascaanood, ayaa gacanta kusoo dhigay shabakad aragagixiso oo si abaabulan ugumaadi jiray haldoorka iyo waxgaradka Laascaanood.
Booliska gobolka Sool waxa uu weli ku daba jiraa qaybo kale oo kamid ah shabakadaas.
Waxana sidan lagu sheegay war qoraal ah oo lagu baahiyay barta xidhiidhka arrimaha bulshada Facebook, ee taliska qaybta booliksa gobolka Sool.
Gaba’gabadii waxa ciidanka booliska magaalada Laascaanood ee xarunta gobolka Sool, ay u mahadceliyeen sida wanaagsan ee ay bulshadu ula wadaagaan cadawga doonaya inay wiiqaan nabadgelyada Qaranka Somaliland ku taabo qaaday.
Loading...
Loading...