Xiligii madaxweyne M.Biixi loo doortay in uu madaxweyne dalka ka ahaado waxa ka hadhay 2 casho. Doorashona dalka ka qabsoomid mayso. Muddo kordhintii golaha guurtida u kordhiyeen madaxweyne M.Biixi

Waa sharci daro. Waayo?

Xaaladihii lagu kordhin jiray iyo shuruudihii lagu kordhin jiray dalka kama taagna, mana jiraan. Muddo kordhin madaxweyne ma jirto xisbiyada mucaaradka ogolaan maayaan . Hadii aanay isla ogolaan xisbiyada qaranka Somaliland oo dhammi.

Waxa kale oo sharci daro ah Muddo kordhintii ay isu kordhiyeen golaha guurtida 5-ta sano ahaa. Waxa uu dadku qaaday waddo sharci darro ah oo aan cidina aqoonsanayn xukuumadda iyo M.Biixi iyo maamulkiisa.

Halkaasna waxa ku soo afjarmaaya dimuqraadiyadii iyo doorashooyinkii iyo axzaabtii dalku lahaa . Waxaana bilaabmaysa nidaam keligii talis nimo ah oo diktaatooriya.

Waxaynu wada ognahay in uu M.Biixi  5-tii sano ku dhamaystay wax qabad la'aan iyo khilaaf siyaasadeed iyo sawaxan iyo xadhig iyo qabyaalad iyo eex iyo cadaalad daro iyo shaqo la'aan iyo dhac iyo boob iyo sicir barar iyo faqri iyo gaajo badan oo dadka soo wajahday.

Hadaba hadii 2-bo sano loogu daro Muxuu qabanayaa ee ka qabyo ah .?

Ee aan dib u dhac ahayn.  M.Biixi iyo ku xigeenkiisu waxay ahaayeen dad la doortay oo shacabku codkooda siiyeen Maantana xoog dalka kuma haysan karo iyo inqilaab.  Hadii kale halkaas waxa ku burburi doonta Somaliland.

Dalka waa in laga badbaadiyo khilaaf siyaasadeed oo aan dhamaan lahayd .

Waana in ay wax garadku iyo aqoon yahanadu iyo salafiyiintu iyo culimadu iyo bulshada inteeda kale isu kaashato badbaadada qaranka Somaliland.

Waa inay beesha caalamka soo dhex gashaa oo ay khilaafkan siyaasadeed xal iyo dhexdhexaadin ka gashaa. Sidaas awgeed dalka iyo dadka waxay u baahan yihiin badbaado qaran.

Badbaadada qudha ee dadku ku badbaadayaana Waa in doorasho isku sidkan la qabto  (Doorashadii madaxtooyada iyo tii ururada) . Oo la raaco go'aankii komishanka doorashooyinka qaranka Somaliland ee 9-ka bilood ahaa in ay ku qabtaan . Iyo xeerka golaha wakiilada soo saareen ee ay u gudbiyeen golaha guurtida ee aanay weli eegin.

Arintaas oo qudha ayaa badbaado iyo xal u ah dhinacyada isku haya khilaafka siyaasadeed iyo sharci

(M.Biixi iyo xisbiyada mucaaradka) . Tii al-laah-na maqan.

Cali maxamed Biixi

Calibiixi

[email protected]