Norway (HWN) Masuuliyiinta xisbiga Waddani ee Dalka Norway ayaa soo bandhigay fadeexado ay sheegeen inay dul hogonayaan safarka Agaasimaha Guud ee Wasaarada Caafimaadka Somaliland Dr. Maxamed Cabdi Xargeeye uu ku joogo Dalka Norway.

Masuuliyiinta Xisbiga Waddani ayaa qoraal ay kaga hadlayaan safarka Agaasime Xergeeye iyo fadeexada dul hoganaysa oo ay soo gaadhsiiyeen shabakada Hadhwanaagnews ayaa uqornaa sidan:-

Xisbiga Wadani Norway wuxuu dabagal balaadhan ku sameeyay Safarka agaasimha Wasaarada Caafmaadka Somaliland Dr. Maxamed Cabdi  (Xeergeeye) uu ku joogo Norway! Qodobada hoos ku xusan ayaana koobaya dabagalka:

Ka dib baadhitaano aanu galanay waxaa noo soo baxay in aanu Agaasimaha Guud ee Wasaarada Caafimaadku haba yaraate wax martiqaad formel ah aanu ka helin laamaha Caafmaadka ee Norway. Lakiin ay jiri karaan kulamo yar yar oo gole kafuul ah si loo helo sawiro iyo muqaalo fududeeya in la mijiro habaabiyo shacbigeena xumadaysan (propaganda).

Agaasimahu wuxuu ka dhuumanayaa musuqmaasuqa dul-hoganaya dhakhtarka iyo Wasaarada Caafmaadka ee Somaliland.

Akhriste ka soo qaad in aanad kalsooni ku qabin qoraalkayga. Si aan kuu dareensiiyo in wax wayni qaladanyihiin iiga jawaab su’aalahan adigoo la kaashanaya garashadaada saxda ah:

1-     Sidee ayay suurto gal u tahay in agaasimihii dhamaa ee wasaaradu uu safar u baxo xilli shacabi badani u sakaraadayaan xumad aan la cadayn waxay tahay, loona geeriyooday?

2-     Miyaanay ahayn maalintii ugu haboonayd ee agaasinkiisa iyo shaqo wanaagiisa uu soo bandhigi lahaa? Ma maalin safar loo baxaa?

3-     Inta aan safar loo bixin ama aan aduunyada kaalmo la waydiisan wax ka horaysa in lays waydiiyo Somaliland misaaniyad intee leeg ayay galisaa barnaamijkeeda caafmaadka? Marka hore ayaabay dawladu caafmad xumada jirta ka badheedhay. Muxuu tarayaa safar dibadeed markaas? Ma Norway ayaa barnaajimka caafmaadkeena masuul ka noqonaysa? YAAB!

Sida ku cad barnaamijka misaaniyada 2022, Somaliland 6.10% ayay Barnaamijka caafmaadka galisaa! Bal ii sheeg wadan aduunyada boqolkiiba lix kaliya ku bixiya barnaamijkiisa caafmaadka?

-        Ku darsoo oo shaqsiyaadka ku magacaaban xafiiska Somaliland Mission In Norway, xirfadooda iyo aqoontooda oo hoosaysa darteed lama laha wada shaqayn Dawlada Norway. Mana jiraan mashaariic udhexeeya Somaliland iyo Norway. Caawimooyinka faro ku tiriska ahi ha’ayddo madax banaan ayaymaraan.

-        Safiir Maxamed Liinan isaga ayaan xidhiidh la yeelan lahaa Norway hadii uu karti, aqoon iyo capacity-geeda leeyahay. «Riyo haddii Ay Dub leeyihiin Dabadooda Ku Qarin Lahaayeen»