Kulan Lagaga Hadlayo Xumada Ku Habsatay Somaliland Oo Boorama Ka Dhacay
Borama (HWN) Isu’duwaha wasaaradda horumarinta caafimaadka
ee gobolka Awdal Dr. Mustafe Xuseen Aadan (Maydhane), ayaa xafiiskiisa kulan kula qaatay madaxa waaxda gurmadka
deg dega ah ee wasaaradda caafimaadka Dr. Cabdiraxmaan Cumar iyo la taliyaha
dhinaca Caafimaadka guud ee wasaaradda Dr. Maxamed Geedi, kaas oo lagaga
hadlayay sidii loo xoojinlahaa wacyigelinta ku saabsan ka hortaga xumada bulsho
badan cisbitaalada jiifisay.
Geesta kale waxa
kulankaasi lagaga hadlay sidii la isaga kaashanlaha buufinta goobaha biyo
fadhiisinka ah ee kaneecadu ka dhalato iyo meelaha dhirta iyo daaqu ay ku badan
yihiin, oo inta badan gabood u ah Kaneecada.
Wasaarada horumarinta
Caafimaadka ee heer qaran iyo heer gobol ayaa muddooyinkii u dambeeyay waday
kulamo iyo wacyigelino isdaba joog ah oo salka ku haya sidii loo xakamayn lahaa
xaalada xumadda ee ka jirtay gobollada iyo dagmooyinka dalka.