Ciidamada Ruushka ayaa bartilmaameedsaday xarumaha tamarta ee Ukraine taasoo horseeday in qeybo kamid ah caasimadda Kyiv iyo magaalooyin ay soo wajahdo koronto iyo biyo la’aan.

Dacwad-oogayasha waxay sheegeen in labo qof ay ku dhinteen duqeymaha ka dhacay caasimadda.

Waxaa la arkayay qiiq iyo uuro madow oo circa isku shareeray gaar ahaan meel u dhaw xarunta koronto ku taalla agagaarka webiga Dnipro.

Madaxwynaha Ukraine Volodymyr Zelensky wuxuu bartiisa Twitter-ka ku sheegay in boqolkiiba 30 xarumaha korontada ee Ukraine la burburiyay isla markaana guud ahaan dalka uu koronto la’aan noqday.

Sidoo kale waxaa meesha ka baxday adeegyadii korontada ee magaalada Zhytomyr iyo galbeedka Kyiv, waxaa sidoo kale la burburiyay labo xarun oo ku yaalla Dnipro.

Weerarradan ayaa imaanaya xilli diyaaradaha Drones nooca "kamikaze" ay duqeeyeen caasimadda Ukraine.

BBC