Xildh. Soo Jeediyay In Isha Lagu Hayo Xidhiidhka Xukuumada Muuse Sheegtay Inay La Leedahay Somaliya
Hargaysa
(HWN) Xildhibaan Xasan Ogaal oo ka
tirsan golaha Wakiilada Somaliland ayaa sheegay inay xukuumada Muuse Biixi Jariimad cad ka gashay
Bulshada Somaliland.
Xildhibaanka
oo daba socday hadal ka soo yeedhay wasiir Cali Mareexaan ayaa yidhi:-
"Wasiirka
Biyaha ee Xukuumadda Muuse Biixi, wuxuu inoo sheegay in Madaxweynaha Soomaaliya
Mudane Xasan Sheekh dabka ka riday sidii uu ula soo xidhiidhaayay oo uu caawimo
gurmad ah waydiistay, wakhtigii ay Farmaajo is haystee, inaga oo ogayn in Muuse
iyo teemkiisu ku soo ololayn jireen madaxda Waddani xidhiidh dhaw ayay la
leeyihiin Madaxda Soomaaliya oo ay ugu dambaysay in Wasiirka Arimaha Gudaha, Mudane Kaahin uu
lahaa Xisbiga Waddani ayaa ciidan ka keenay Soomaaliya.
Hadaba,
tani waxay markhaati cad u tahay wajiga dhabta ah ee Xukuumadda muddo
xileedkeedu sii dhamaanaayo ee Kulmiye oo inoo sheegtay inay dhisaysay Mudane
Xasan sheekh, madama oo ay imika u cabanayso, waana mid dhukmadeeda leh oo u
baahan in isha lagu hayo xidhiidhkaas ay sheegeen inuu jiray, waxaana muuqata
in Xukuumaddu jariimad cad ka gashay Umadda Somaliland, madama oo aynu ka
warqabno dad shicib ah oo ay u xidh-xidhay muqdisho ayaad tagteen.”