Hargeysa (HWN) Sarkaal ka tirsan ciidamada Milateriga ee Somaliland ayaa dirayskii ciidanka iskaga bixiyay badhtamaha suuqa caasimada kaddib markii 2 bilood oo mushaharkiisa ah la cunay, sida uu sheegayna haddana loo diray in uu jiida hore aado.

Sarkaalkan oo aanay noo suurtagelin in aanu magaciisa weydiino maadama oo goobta ciidamo kale joogeen wuxu ahaa Aabe da' ah oo la dulmiyey.

"Mushaharkaygii ayaa la cunay, waa lay dulmiyay sidaas ayaa misana laygu leeyahay dalka difaac oo jiida hore aad. Waan iska bixinayaa direyska ciidamada ilaa inta aan xaqayga helayo." Ayuu ku doodayay sarkaalkani.