Arday gaadhaysa 400 Arday oo ku nool degmada Oog ee Gobolka Saraar ee Somaliland, ayaa wax ku barta Saribada Magaaladaasi, ka dib markii ay waayeen meel ay wax ku bartaan oo fadhiistaan.

Ardaydan oo u badan ubadka ay dhaleen Ciidanka qaranka ee Jiiddaha hore ku sugan, ayaa markii ay waayeen goob waxbarasho oo ay wax ku dhigtaan, ayaa Haweenkii ku ganacsan jiray Saribadaasi u baneeyeen halkaasi si Ardayda wax loogu baro.

"16 sanno ayaanu Saribadan Ardayda wax ku baraynay, laba sanno balli biyuhu fadhiistaan ayaanu wax ugu dhex dhigi jirnay” ayey tidhi Hooyo macallimad u ah ardaydan Saribada wax ku dhigata

"Waxaan ka mid ahay askarta Jidda hore, halkan arday ayaa ii dhigta, waad aragtaa qadiifado ayey ku fadhiyaan, waa Shan arday mushaharka aan qaato Iskuulkan ayaan wax bixiyaa” Ayuu yidhi Askari ka mid ah Ciidanka Qaranka ee Jiiddaha hore jooga.

Ardaydan, ayaa marka ay Imtixaanka u fadhiisanayaan waxa ay fadhiistaan waddooyinka iyaga oo dhagaxaan ku fadhiista.