Digniin Laga Soo Saaray Sharoobbooyin Qufaca Ah Oo Caruur Ay Ku Dhinteen
Digniin caalami ah ayaa
laga soo saaray ilaa Afar sharoobbo, kaddib markii Hay'adda Caafimaadka
Adduunka (WHO) ay sheegtay in lala xiriirinayo dhimashada 66 carruur ah oo ka
dhacday dalka Gambia.
Sharoobbooyinka oo ay
soo saartay warshadda Maiden Pharmaceuticals oo ku taalla Hindiya ayaa la
sheegay inay dhaawac halis ah u gaysan karaan kelyaha.
Warshadda ilaa hadda
wax war ah kama aysan soo saarin arrinta.
BBC-du waxay isku
dayday inay xiriir la sameyso si ay jawaab uga hesho warshadda.
Saraakiisha Hindiya
ayaa sheegay inay waydiisteen WHO inay la wadaagto caddeyn isku xireysa
sharoobbooyinka iyo dhimashada.
Magacyada
sharoobbooyinka ay WHO xustay waxay kala yihiin Promethazine Oral Solution,
Kofexmalin Baby Cough Syrup, Makoff Baby Cough Syrup iyo Magrip N Cold Syrup.