Dadaalkii Guusha Dhalay
Waxa ay ahayd sanadkii
2019 kii markii aan isa soo qorayJaamacad aan ahayn mida aan hadda ka qalin
jabinayay ee (Admas) isla maalintaasi aan isa soo diwaan galiyay aniga, oo aan
Imtixaan galin, oo aanay jirin wax laygu qabsadaa kuna baxay derajo fiican
wakhtigii secondary-ga (80.83%) Haddana waa la ii diiday, in aan ka mid noqdo
ardayda kusoo biiraysa Jamacadaas!
Waxa aan waydiiyay
ninkii faylka iga qabanayay sababta? Waxa uu igu yidhi hadal aad iiga yaabiueh
kaasi oo ahaa "Shahaadadan waa been, oo malihid balse Walaashaa ayaad
kasoo qaadatay, mana aad gaadhin wakhtigii jaamacada ee iska tag"
Runtii maalinkaas
waxaan ka imid aniga oo, aad u niyad jabsan, in kasta, oo ay markii danbe i
aqbaleen maalintii danbena balse anigu kumaan qancin, in aan galo Jaamacadaas
waanan iska diiday.
Jaamacadii labaad, ee
aan iska diiwaangeliyey waxa ay noqotay Admas University. Keliya saddex cisho
ayaa ka hadhsanaa wakhtigii xidhitaanka (Deadline) ee la isku diiwaangelinayey.
Waxaan noqday qof hammi
sarre leh kuna dhiiranaysa, in ay si toosa ula qaybsato fursadaha dadka iga wayn
da'ahaan.
Waxyaabaha ugu adag, ee
aan soo maray balse hadda guushayda macnaha u yeeshay waxa ay tahay, in aan
semester dhan aan hal Class la wadaagay 24 wiil iyo aniga kaligay.
Waa ay jireen wakhtiyo
ka adkaa, kuwaasi, oo iga dhigay qof daciif. Dhab ahaantii way i xanuujiyeen
waayuhu, oo iga ilmaysiiyeen waxaa ayna i bareen qofka ii dhaw iyo kan kale
balse waxa aan kaga soo baxay dadaal iyo samir iyo Alle, oo aan tallo saartay.
Dedaal kasta oo loo
xadhko xidho hubaashii maalin uun baa midhihiisa la gurtaa. Waxaa sharaf iyo
faan ii ah, in aan noqday qofkii ugu sarreeyey ee kulliyadayda (Honor of
Economic's weli ba aniga oo ku baxay CGPA 3.97.
Mahadcelin:-
Hooyo waad mahadsantay
ducadaadii, dadaalkaagii iyo naf hurida aad i galisay ayaan heerkan kusoo
gaadhay. Waxaana farxad iyo han wayni iigu filan, in aad hooyaday tahay ana aan
inantaadii ahay. waxa aan rajaynayaa, in aan inyar uun u dhawaaday wixii aad
iga filaysay Hooyooy.
W/Q Isra Cumar Aw
Cabdi.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!