Hargaysa (HWN) In ka badan 150 qoys oo Soomaali ah qaxoonti ah oo ka soo qaxay Dalka Yemen, magaalada Cadan ee caasimada ah, ayaa lagu soo dhaweeyey Magaalada Berbera, halkaasoo uu keenay Markab shalay Khamiistii.

Waa Markabkii 43-aad ee qaxoonti sida ee Somaliland soo gaadhay tan iyo markii ay dagaaladu ka qarxeen dalka Yemen, sida ay sheegtay Somaliland

Guddoomiyaha Hay’adda Qaxoontiga iyo Barakacayaasha Qaranka Cabdikariin Xinif iyo masuuliyiin ka socda hay’adda UNCER, ayaa ku booqday goobta lagu nasiyo qaxoontiga ee magaalada Berbera.

masuuliyiinta Hay’adda Barakacayaasha Qaranka Somaliland waxa ay sheegeen in mashruucani socday muddo todoba sannadood gaadhaysa.