Wararkii Ugu Dambeeyay Khilaafka Ka Dhextaagan Baarlamaanka Somaliland
Hargeysa - Guddoomiyaha
Golaha Guurtida Somaliland Mudane Saleebaan Maxamuud Aadan iyo Guddoomiyaha
golaha Wakiilada Somaliland Cabdirisaaq Khaliif Axmed,ayaa isku khilaafsan
sharciyadda xeer golaha wakiiladu Guurtida u gudbiyay oo golaha Guurtiduna dib
ugu celiyay golaha wakiilada.
Guddoomiyaha
Guurtida,ayaa sheegay in xeerka golaha wakiiladu usoo gudbiyay ee uu dib ugu
celiyay uu yahay xeer wakiilada khlaaf ka dhex dhaliyay isla markaana ay 46
mudane oo wakiiada ka tirsani ay dacwad uga soo gudbiyeen isla xeerkaas oo ay
sheegeen in aanu sharci ahayn golahana sharci kaga soo bixn loona baahan yahay
in Guurtidu ay dib ugu soo celiso.
Waxaanu intaa raaciyay
in xeer ka golaha wakiilada khlaafka geliyay in uu golaha guurtida u hor geyn
waayay si aan guurtidana khilaaf uga dhex,qarxin go,aan sadayna in uu golihii
uu ka soo baxay dib gu celiyo isla markaana xeer ay ku midaysan yihiin ay
golaha usoo gudbiyaan,waxaanu guddoomiyaha golaha wakiiada usoo jeediyay in uu
golhiisa midooyo midnimona uu ku hoogaamiyo.
Dhinaca kale
Guddoomiyaha golaha wakiilada Somaliland Cabdirsaaq Khaliif Axmed,ayaa
dhankiisa sheegay in dib usoo celinta xeerka ee guurtidu soo celisay in aanay
sharciga waafaqsanayn waxaanu guddoomiye Saleebaan usoo jeediyay in uu xeerka
goleweynaha horgeeyo oo ay waajibkooda ka gutaan.
Guddoomiyaha golaha
guurtida oo ka hadlayay xeerka ay wakiilada dib ugu celiyeen,ayaa yidhi."Laba gole oo murmay haddana isku gole
ahi ma qurux badna, muranku meesha kuma jiro, golahaasi ayaa hadda muran ka
jira ee inta aanu kanna dhexgalin in si wanaagsan ay u dhammeystaan ayaa qurux
badan, guddoomiyahooduna ku hoggaamiyo labada dhinacna isu soo dhawaadaan,
markay wax isla gaadhaan ee ay heshiiyaan ayay qurux badan tahay in aanu
anaguna gudda galo.
Wax laga warwaraa ma
jiraan bulshada warwarka ka daaya, haddii khilaaf jirana waa laga heshiinayaa,”
Guddoomiye Saleebaan oo
ka hadlayay sababta gulaha guurtida uu u hor geyn waayay xeerka wakiiladu usoo
gudbiyeen,ayaa yidhi.."Golahayaga waxaan u horgayn waayay mar haddii golihii
wakiilladu ay isku khilaafeen, oo 46 mudanena ay noo soo qoreen waraaq codsi ah
oo yidhi ‘ma soo marin nidaamkii, raalina kama nihin, marka anigu labada gole
in markaliya khilaaf kawada dhex abuurmo diyaar uma ahi”
Geesta kale waxa uu
sheegay in ay muddo kordhin ay sameynayaan mar haddii ay guddidii
doorashooyinku caddeeyeen in aanay doorashadii wakhtigeedii ku qaban karin.
Waxaanu yidhi."Mar
haddii ay guddidu doorashooyinku caddeeyeen in aan doorashada wakhtigi u
cayinnaa ay yidhaaheen kuma qaban
karno, wixii hadhay waa muda kordhin uun”
Waxaa isna dhankiisa
farrin u diray Guddoomiyaha Guurtida Guddoomiyaha Golaha wakiida Cabdirisaaq
Khaliif oo sheegay in aanay sharci ahayn dib usoo celinta xeerka ay golaha guurida u gudbiyeen,waxaanu
yidhi."Mudane guddoomiye waxan kusoo jeedinayaa adiga oo ixtiraamaya
dastuurka iyo xeer hoosaadka golaha guurtida, in xeerarkan golaha wakiiladu wax
ka badalka iyo kaabista ku sameeyay aad hor dhigto gole waynaha si ay waajib
kooda dastuuriga ah uga gutaan"
Shirguddoonka golaha
guurtida ayaa Isniintii golaha wakiilada dib ugu soo celiyay xeerarka kala ah,
Xeerka Guud ee Doorashooyinka Somaliland Xeer Lr 91/2022 iyo Xeerka Nidaamka
Urrurada iyo Axsaabta Siyaasada ee Xeer Lr 14/2011.
Xeerka labada
guddoomiye isku khilaafsan yihiin ayaa ah xeer ay ka soo horjeedaan aqlabiyada
golaha wakiiladu isla markaana aan laga doodin hannaanka uu golaha kaga
gudbayna uu ahaa mid ka gaadhsiis ah oo
lala dhuumanayay sida ay ku doodayaan 46 mudane oo xeerkaa sharciniadiisa diiddan
kana soo hor jeeda qaabka loo maray ansixintiisana ku sifeeyay hab gole kala
baxsi ah.