Hargaysa (HWN) Xoghayaha Warfaafinta Xisbiga Waddani Maxamuud Jaamac Galaal, ayaa u soo jawaabay xildhibaan Barkhad Batuun, oo shaki ka muujiyay soo dhawaynta xisbiga Waddani ee guddida Doorashooyinka.

Akhri qoraalkiisa

".  Xildhibaan Barkhad Jaamac Batuun iyo ciddii shaki qabtaba in moqofka xisbiga WADDANI iyo afkii xisbiga aan ku hadlayey matkaan soo dhoweeyey go'aanka Komishanka Doorashooyinka shakigaas iska saara. Barkhad waa nin weyn oo masuul ah, inta aanuu isagu wax loo arko in ay liddi moqafkayagaas ku tahay soo qorin in uu aniga ama madaxda xisbiga la soo xidhiidho ayaa habbooneyd. Arinkaas hubsiimo la'aan iyo wax kale ayaa ku jiray.

Waxaan kale oo caddaynayaa in moqufka xisbigana baraha bulshada oo Facebook ka mid yahay lagu baahinayo sidii awelba loogu baahin jiray. Kan maantana FB, Twitter, TV shabakadaha iyo BBCda oo aan duhurkii la hadlayba waa lagu baahiyey.

Hadal iyo murti hubsiimo waa waajib ah inta aan shakhsi masuul kale ka daba hadil ama wax ka daba qorin. Saaxiibkay dib waxaa howgu noqon baan kula talinayaa.” Ayuu yidhi Xoghaye Galaal.

Hadalkan xoghayaha ayaa yimid kadib markii Xildhibaan Barkhad uu Baahiyay qoraalkan hoose:-

"Go'aannada masiiriga ah ee Xisbiga Waddani waa in ay ku soo baxaan shir hoggaan, fulineed ama gole dhexe.  Xaaladdan cakiran ee siyaasiga ah ee dalku galay darteedna waa in god seegyada siyaasiga ah laga taxaddiraa. Qoraal facebook ma noqon karo go'aan Xisbi.”