Kullanka Madaxweynaha Iyo Dhallinyarada Ee Berbera." Wax Aad Ogtahay Ma Kuu Sheegaa"
Hadalhaynta ugu baddan
ee ka jirtay maanta magaalada Berbera, gaar ahaan goobaha ay bulshadu ku
kulanto, wuxuu ahaa kullanka madaxweynaha iyo dhallinyarada. Siyaabo kala duwan
baa loo sii faalaynayay, waxaana la iska weydiinayay su'aalahan. Dad noocee ah
baa loo xulay ? ma dad la soo dhabar taabtay oo been masheegayaala ah.? Ma
shaqaale dawladeed baa? Ma dad madax bannaan baa?
Yaa xulaya
dhallinyarada la rabo inay matasho dhallinyarada kala duwan ee magaalada?
Su'aalaha marka aynu ka
nimaadno oo jawaabtooda aynu heli doono kullanka ka dib.
Anigu waxaan is
weydiiyey labba su'aalood oo kala ah 1. kullanka madaxweynaha iyo dhallinyaradu
ma sirbaa waxa lagala hadlayaa? 2. Yaa matali kara dhallinyarada Berbera?
Jawaabta su'aasha kowaad aan ku horeeye, kullanka madaxweynaha iyo bulshadu sir
ma aha waxa laga hadlayaana waxa weeye "wax aad ogtahay ma kuu
sheegaa" dhammaan baahiyaha aasaasiga ee ay bulshada Berbera cabatinkeeda
ay ka simanyihiin wuu ogyahay madaxweynuhu, madaxda kale ee wasiiro, xildhibaano,
maamul gobol iyo degmaba leh way ka dharagsanyihiin. Ma laydh baa, ma biyaa, ma
caafimaad baa, ma shaqo la'aanba iyo iyo wad uun.
Jawaabta labbaad waxa
weeye matalaada, iyadda oo fudud waxa weeye dhammaan dhibaatooyinkaas aynu kor
ku soo sheegnay ma qabo dadkaas la kulmaya in aan laga waayaynin cid intaas
sheegta, sidoo kalena ma qabo qof kullankaas fadhiya oo odhanya muddane
madaxweyne leydhka Berbera waanu ka haqab beelay, ma googo, ee ducada uun noogu
dar.
Gabagabada aan ku soo
dhawaade, muhiim ma aha cida la kulmaysaa iyo waxa ay weydiin doonaan, ee waxa
bulshadu u dhagtaagaysaa jawaabaha madaxweynaha iyo wuxuu ka odhan doono
dhibaatooyinkan qaarkood 7 jirsadeen sidda laydhka Berbera.
Mohamoud M. Jama
Berbera.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!