Ugu horayn waxan hambalyo udiraya Ahmed Muse Bixi oo dhawaan ka qalin jabiyay jaamacada (New Generation) si la mida ardayda reer Somaliland waxaan leeyahay Allah hakugu anfaco aqoonta aad baratay.

Qodobka kowaad waxa ay ardayda reer S/L ka baranaysa Ahmed M Biixi gaar ahaan  ardayda dadka ladan iyo madaxdu ay dhaleen (Elites) in adigoo aabaha madaxweyne yahay aad si caadiya  aad dalkaaga wax ugu baran karto oo waliba dedaal badan aad samaynkarto si aad mustaqbalkaaga udhisto oo aanay ku mashquulin aabaha Aya iyo waalidka Aya kugu filan.

Qodobka labad waxa weeyi in madaxwene Biixi kaga duwan yahay madaxdii dalka so martay iyo kuwa joogaba oo ay caruurtiisu dalka wax ku barteen si lamida muwaadiniinta caadiga ah (ordinary people)

Qodobka sadexaad inuu ku dhiiraday madaxweynuhu in inankiisu kuliyada ciidanka ee Layli sarkaal iyo shaqo qaran uu ka saaray si la mida ardayda dabaqada hoose ee Reer Somaliland. Halka ay madaxda kale iyo ganacsada reer Somaliland caruurtooda ay wax barashada dibada u diraan.

Ugu danbayn madaxweyne Biixi wuxu tusaale nool u noqonayaa dadka yidhaahda marka caruurtoodu qalin jabiso waqti kuuma hayo oo Mashquul Ayaan ahay, waayo isagoo madaxweyne ah ayuu waqti u helay wiilkiisa waana arin ku dayasho mudan.

Allah Mahad leh

W/Q: Abdiqani Salaf

Freelance political analyser.