Hargaysa (HWN) Xisbiga Mucaaradka ah ee Waddani ayaa ka dayriyay tayada Dawooyinka la geeyo Somaliland.

Waxaanu xisbiga sheegay in aanay jirin meel lagu kaantaroolo tayadooda dawooyinka iyo sharci xukuumadeed uu uyaala toona.

Xoghayaha arimaha Bulshada ee Xisbiga Waddani Maxamed Sadiiq Dhamme ayaa qoraal uu baahiyay oo uu kaga hadlayo arinka dawooyinka ku yidhi sidan:-

"Dawada loo iib keeno Somaliland malaha tayo dhaba, mana jiro nidaam tayo hubineed (Quality Control) Pharmacey kastaa wuxuu bukaanka u buuxiyaa bac, waxaana lagu bixiyaa Dawada warqad la’aan (Prescription) Ganacsatada Dawada keenta ma jiro sharci iyo qiyam Dawladnimo lagu xakameeyo, Shacabkana lagu dhawro noloshooda iyo nafahooda! masiibada u weyni waa in bukaanka loo qoro Dawo badan si looga sameeyo lacag iyo macaash !" Maxamed Sadiiq Dhamme