Mareykanka Oo Farriin Digniin Ah U Diray Muwaadiniintiisa Kenya
Safaaradda Mareykanka
ee dalka Kenya ayaa muwaadiniinteeda ka codsatay in ay si weyn uga taxaddaraan
gudaha dalka Kenya xiligan oo la filayo in maxkamada ugu sarreysa Kenya ay
go’aan ka gaarto doorashada Madaxtinimada dalka Kenya.
Garsooreyaasha
Maxkamadda ayaa xukunka ku dhawaaqi doona 5-ta September 2022-ka.
Warsaxaafadeed ay
safaaraddu siisay warbaahinta ayaa lagu sheegay in Kenya ay xiisado ka abuurmaan ka dib doorasho kasta.
Bayaanka ayaa si gaar
ah looga codsaday muwaadiniinta Mareykanka ee ku sugan Kisumu in ay
feejignaadaan maalinta ay go’aanka soo saari doonto doonto maxkamadda.
"Bannaanbaxyada la
xiriira doorashooyinka iyo shirarka ayaa inta badan dhaca doorashada kaddib,
mararka qaarna waxay sababaan in waddooyinka ay maraan bannaan-baxayaal
rabshado wata, taaso ah xaalad u baahan in ciidamada booliska ay soo
farageliyaan,” ayaa lagu yiri warsaxaafadeedka.
Kisumu waa magaalo ka
tirsan gobolka uu ka soo jeedo mid ka mid ah musharixiinta u tartamay xilka
madaxtinimo ee Kenya, kaasi oo ah Raila Odinga, isago maxkamadda ka codsaday in
la joojiyo ku dhawaaqista William Ruto inuu ku guuleystay doorashada
madaxtinimada.
BBC