Dawlada Ingiriisku Maxay Ka Tidhi Banaan Bixii Ka Dhacay Somaliland
Hargaysa (HWN) Bushaaro Baandayayaa
sheegtay in Dawlada Ingiriisku ay taageersantahay banaan bixii nabadgelyo ee ka
dhacay Somaliland.
Bushaaro ayaa intaasi
ku dartay in dawlada Ingiriisku uga soo jawaabtay waraaq ay udirtay oo ay dawlada
kula socod siinaysay tacadiyada Somaliland kadhaca.
Waxaanay Bushaaro
qoraalka jawaabta ay dawlada Ingiriisku ugu soo jawabtay ay kutidhi:-
Waxa maanta iiga soo
jawaabay Warqad aan hore ugu diray Mr Kwasi Kwarteng oo ah Xildhibaankayga
baarlamaanka ingiriiska ee igu metela xaafadayda Ahna wasiir ka tirsan dawlada
haatan ee uu hogaaminayo Raysal wasaare Boris Johnson
Wuxuu iiga mahadceliyey
sidaan ula soo socod siiyay xiisada siyaasadeed ee Dalka iyo xadgudubka iyo
dilka Xukuumadu ku hayso shacabka Aan hubaysnayn
Wuxuu si adag usheegay
inay Dawlada ingiriisku taageersan tahay banaanbaxa Nabad gelyada ah ee
shacabkuna xaq u leeyahay
Wuxuu Intaa ku daray in
Dawlada ingiriisku ka dalbatay Xukuumada Somaliland inay si Degdeg ah ubaadhaan
xadgudubkii iyo dilalkii ka dhacay Bishii June Magaalada hargaysa
Wuxu yidhi wasiirku
Dawlada ingiriiska oo kaashanaysa beesha Caalamku Waxay kasoo saareen digniin
adag oo ka turjumaysa werwerka ay ka qabaan xaalada Somaliland ee kasii daraysa
iyo sida sharciga Loogu tumanayo
Waxaanay ku baaqeen in
lagu soo noqdo wadadii sharciga iyo doorashada
Wuxuu Intaa ku daray in
dawlada ingiriiska udirtay somaliland saraakiil sarsare oo la kulmay Labada
dhinac mucaaradka iyo Dawlada.
Wuxuu ku soo
gabagabeeyey inay aad uga xunyihiin in dhibaatayntii shacabka iyo dilalkiiba ay
kusii fideen bishii sideedaad magaalooyinka Burco iyo Ceerigaabo
Wuxuu ku daray in
Lizzie Walker oo ah masuulka ingiriiska u fadhiya hargaysa ay iyana ku baaqday
inay Xukuumadu kusoo noqoto miiska wadahadalka iyo sharci Dalka u yaala lana
kulanto mucaaradka.”