Hargaysa (HWN) Garyaqaan Mubarik Ibrahim Aar ayaa sheegay in doorashada ay ka horayso in la heshiiyo.

Waxaanu qaryaqaanku ka hadlay muuqaal hore oo uu duubay oo si qaldan warbaahinta qaranku u adeegsatay.

"Maalintii shalay ayaa warbaahinta qaar ka midi ay soo dhigeen muuqaal aan duubay shan bilood ka hor oo ku saabsan sida laba doorasho oo isku sidkan loo wada qaban karo iyo cidda ka qayb galaysa.

 hadaba muuqaal kan ayaa dad badan u qaateen inaan hadda duubay maadaama uu waafaqay xalka ay soo jeediyeen guddida ganacsatada ah ee ku hawlan xal u raadinta khilaafka doorashooyinka ee jira.

Waxaa hadaba layaab leh Idaacadda Qaranka oo waajib keedu ahaa inay hubiso wararka iyo warbixinada ay la wadaagayso bulshadeeda ayaa ahaa meelaha sida qaldan u fahmay muuqaal kan iyaga oo ka dhigay mid cusub oo hadda la soo saaray, isla mar ahaantaana u dhigay sifo ka baxsan anshaxa saxaafada iyo dhaqanka dawladnimada.

Waxaan anigu mar kasta taageerayaa in khilaafka jira la soo afjaro,isla mar ahaantaana lagu dhameeyo is afgarad iyo tanaasul.”