Asalaamu Calaykum

Waxaan galabta casar-liiqii kulan muhiim ah la yeeshay Taliyaha Ciidanka Booliska Jamhuuriyada Somaliland Sarreeye Gaas Maxamed Aadan Saqadhi " Dabagale".

Taliyaha oo ku dhex jiray shaqadiisa waxaan ka waraystay arrimo badan oo aad muhiim ah, oo ay ka mid tahay dhibaatadii ka dhalatay Banaanbixii Xisbiyada Mucaaridku hormuudka ka ahaayeen ee dhawaan dhacay.

Taliyuhu waxa uu si qoto dheer u tilmaamay in Ciidamada Boolisku ay ku dedaalayeen in si nabadgelyo ah oo bilaa dhibaato ah ay wax waliba ku dhamaadaan, waajibka koowaad ee Booliskuna uu yahay ilaalinta muwaadiniinta iyo ilaalinta sharciga.

Taliyahu waxa uu ii sheegay in 85 Askari oo Boolis ah oo Qarankooda u adeegayay ay dhaawacyo kala u duwan u geysteen dadkii banaanbaxayaasha ahaa, isla markaasna ay burburiyeen gaadiid tiro badan oo Booliska iyo dawladu ay leedahay.

Taliyuhu wuxuu nasiib darro ku tilmaamay dhimashada iyo dhaawaca ka dhashay banaanbaxaasi, waxaanuu tilmaamay in muwaadiniintu ay ogaadaan in Boolisku uu yahay Booliskoodii, kana fogaadaan inay ciidanka u adeegaya ay dhib u geystaan.

Shacbiga reer Somaliland waxaan usoo jeedinayaa inay ogaadaan in Ciidamadeenu ay yihiin geesiyaasha aynu ku seexano ee habeen iyo maalinba heegganka u ah ilaalinta Ammaanka Dalkeena.

Booliska Jamhuuriyada Somaliland iyo Ciidamadeena kala duwani waxay ku guulaysteen Ilaalinta Xuduudaheena dhuleed, badeed iyo cireedba.

Aad ayaan ugu mahadnaqayaa Taliye Dabagale sida uu ii soo dhaweeyay wakhtina ii siiyay isaga oo hawlo qaran ku guda jira. Ugana jawaabay dhamaan suaalihii asn danaynayay inaan weydiiyo.

Somaliland ha Guulaysto

Amb Kaysar Cabdilaahi Maxamed

Hargeysa. Jamhuuriyada Somaliland