Hargaysa (HWN) Xildhibaan Khadar Cali Xakiin, oo ka tirsan golaha wakiilada Somaliland ayaa ka hadlay dil ka dhacay tuulada Ceeryaan ee Gobolka SANAAG oo sababay mudaharaadyo ay ka dhasheen khasaare kale.

Xildhibaanka ayaa qoraal uu dhacdadaasi kaga hadlayo kuyidhi:-

"Arrinta Ceerigaabo;

Ilaahay ha u naxariistee waxa gacan ka Xaqdarani ku dishay Tuulada Ceeryaan Marxuum Jamac Xuseen Toor, arrintaasi waxay sababtay kacdoon wayn oo magaalada Ceerigaabo ah, kacdoonkiina wuxu sababay Khasaare Nafeed iyo Mid  Maaliyadeed.

Waxaan usoo jeedinayaa ehelada Marxuumku ka dhintay waxaad ku suntantihiin nabadda Gobolka, dilkii hore ee ka kadhacay Ceeryaan waxaad sababteen inaad Sumcad usoo hoysaan Degmada Ceerigaabo iyo Guud ahaan Gobolka Sanaag.

Ugu Danbayn waxaan usoo  jeedinayaa reer Awawgay oo ah ehelka  Marxuumka inay hawsha fududeeyaan marhaddii masiibadu dhacday, ayna wanaaga ka raacaan iyagoo Xaq u leh doodoodana haddana waxaan jecelahay inay dhinaca fududaynta ka raacaan oo sidii sunnaha u ahayd yeelaan.

Ilaahay Marxuumka ha u Naxariisto."