Hargaysa (HWN) Wiil  shaqaale ka ahaa madaarka Hargeisa ayaa shaqadii looga eryey in uu taageero murashax Cirro.

Wiilkan oo layidhaa Cabdirisaaq ayaa  sheegay in uu 11 cisho u xidhnaa eedayn ah in uu taageero Murashax Cirro, balse ay maxkamadu sii daysay kadib markii ay wax danbi ah ku wayday.

"Maxkamadu wax danbi ah way igu wayday waana la I sii daayay, balse markii aan saaka shaqadii ku laabtay ayaa gudoomiyihii haystay qaybta aan ka shaqeeyo waxa uu igu wargaliyey in shaqadii la iga eryey”. Ayuu yidhi Cabdirsaaq

Cabdirisaaq waxa uu ka mid yahay dhalinyarada firfircoon ee xaafada Daami, waxaanu madaarka Hargeisa ka shaqaynayay mudo gaadhaysa 10 bilood.

Maaha shaqaalihii ugu horeeyay ee shaqada looga saaro waxa aad taageertay mucaaradka, balse waxa isna ka horeeyay wiil ka shaqayn jiray wasaarada biyaha oo sheegay in uu xilkiisii ku waayay waxa aad taageero umuujisay xisbiyada mucaaradka Somaliland.

Dhaqankan  ayaa ah dhaqan foolxun oo ka dhex jira xukuumada Muuse Biixi, lamana hubo in uu Madaxwaynuhu kawarhayo arinkan.