Muuse Biixi Oo Xilkii Ka Qaaday Gudoomiye Ku Xigeenkii G. Sanaag Badelkiisiina Magacaabay
Madaxweynaha Jamhuuriyadda Somaliland, Mudane Muuse Biixi Cabdi waxa uu wareegtooyin Madaxweyne oo summadeedu kala tahay JSL/XM/XKQ/222/1-921/082022 iyo JSL/XM/WM/222-922/082022 uu xilka qaadis iyo magacaabid ku sameeyey Guddoomiye Ku-xigeenkii Gobolka Sanaag.
Waxaanay u dhignayd
Wareegtada Madaxweynuhu Sidan:-
Ujeeddo: Xil Ka-qaadis.
Ku: Maxamed Khaliif
Nuur;
Guddoomiye Ku-xigeenkii Gobolka Sanaag
Mudane,
Sida aad la socoto,
xilka Qaranka ayey sunnihiisa tahay in uu meerto noqdo, oo hadba loo igmado
ciddii hanan karta. Sidaa darteed, waxaan gartay in laga bilaabo taariikhda
maanta aan kaa qaado xilkii aad u haysay Qaranka.
Waxaan kaaga
mahad-celinayaa muddadii aad u shaqaysay Qaranka.
Ujeeddo: Magacaabid.
Wareegto Madaxweyne
Magacaabid
Markaan Arkay:
Dastuurka Jamhuuriyadda Somaliland, Qodobka 90aad;
Markaan Arkay:
Aqoontiisa, Kartidiisa iyo Waaya-aragnimadiisa;
Markaan ku Qancay: In
uu Hanan Karo Masuuliyadda ka Dhalanaysa Xilkan;
Markaan Sameeyey: La-tashi;
Waxaan Go’aamiyey;
In Jaamac Maxamuud
Warsame laga bilaabo taariikhda maanta uu ahaado Guddoomiye Ku-xigeenka Gobolka
Sanaag ee Jamhuuriyadda Somaliland.
ALLAA MAHAD LEH
Muuse Biixi Cabdi
Madaxweynaha
Jamhuuriyadda Somaliland.