Sireey Soo Caad Oo Sadexdda Ha Gaadhin (Abdi-Shotaly).

Visits: 1696
(Rating 0.0/5 Stars) Total Votes: 0
0 0
Share via Social Media

Sireey Soo Caad Oo Sadexdda Ha Gaadhin (Abdi-Shotaly).

Boog baa barakii is qabsaday,

Share

Boog baa barakii is qabsaday,

oo ay hurgumaddii ka buuxday iyo malaxddii dhaan-sanayd, ay xadkii ka baxday isla qaraxday, iyadda oo bogga hoose iyo beerka ka dilaacday, oo ay hadda qudhunkii ku huursnaa dariiq-yadda qulqula-yaan, qarsoomi wayday, cid joojisana wayday, wax qaban karaana aanay jirin, beentii kolba si loo sheegaayey ay xadh-kaha soo goosatay, wixii ummadan lagu akhriyi jirey soo gabaga-boobeen, runtii oo ooda-heedda wadataa albaabadda ka soo gashay, iyaddoo dhoosha ka qoslaysa, guul ku geeraaraysa, af buuxa ku tidhi beeneey calankaa jab, dhaaxaad raad gadataye, oo dibin dhawr ahayde, dulmiggii kibirka ahaa iyo khiyaaliggii shacabka lagu wadna jaray, ay iilkii xabaasha isugu yimadeen, haday is waydiin-ayaan, Xagee inkaartu idin kaga dhacday? Maxaa kashifay siyaasaddii indiin qarsoonayd? Sir-tiinii maxaa banaanka keenay? Maxaa furfuray munaafaqaddii heshiiska lagu ahaa? Isku soo duuboo, somalidu waxay tidhaahdaa " Sireey soo caad oo sadexdda ha gaadhine" dhanka samadda baa Rabigeen ka kala daadshay, dabinaddii ilaa yoomal-diin ummadda loo xidhaayey, ee kolba si loogu dhigaayey, wax uu hadba nabisgu soo habeen dhixiyaba, haday xaqiiqddii kaabiga soo saartay, beenaala-yaashii ummadda lugooyey, oo ay furdaamin la'yihiin. ee hoo waa tan qaraxii miinadu wixii ay kidif-kidif u jar-jartaye.

Akharistaw waa ayaan-ba-yaane, koox-ddii durbaanka munaafaqadda ah garaaci jirtey, kolba sidda jirjiroo-laha midab isu keen soo marin jirey, denbi ay hoosta ka wadaan dafiri jirey, hadana afka boodhka inoo soo marsan jirey, baa maalmahan seeftu dhex miranaysaa. meel kale loogama imane, muwaadin iyakii baa kala war-sheekooday, mid-ba-midka kale uu canaana-nayaa oo leeyihiin aniga maahee, waa hebel iyo hebel oo qolo-ba-qolo ku baxday.

Wuxu yidhi " Kud-madoobi" ( waa kaad buur-madaw tidhaahaane). isaga oo si hagar la'aan ah shaaca uga qaaday, wixii ay ummadu weligeed sheegaysay, ee colaadda ka soo noqno-qota Ceel-af-weyn iyo cidda dabadda ka wadda, ee ay u degi wayday, nabad kaste oo laga gaadho, waxa daba ka furayaa cidda ay yiin. Arintan oo min awel ilaa aakhir, aan shacabka reer somaliland ka qarsoonayn, laakiin wax aan jirin iyo ciiro been ah lagu hadoodi-laayey, si loo masabido dad aan ku lug lahayn iyo beelo foodda la isu geliyo misana laga galgasho.

Kud-madoobi wuxu si badheedh ah, oo qeexan u soo ban-dhigay in ay dadka colaadaas wadda, ee nabadda ka soo hor-jeeday ay yihiin, maamulka askartu hogaamiso, kuwaas oo kala ah:

(1) Raggii ma adigaa ka hadhay oo ah Ka-ka madaxdda ahba ibtiladan in ay bakhtido loo diiday.

(2) Geenyo Shaaximan oo isna ah ka xaabadda lagu shido soo ururiya, diidana in la soo qabto raggii wax dilay, yidhina soo xidha qofka sheega ruuxii wax dilay halkuu joogo.

(3) Gaafaadhi oo isna isku duba ridaha aha, arimahaas oo dhana ahna ninka isku xidha, kana shaqeeya soo xidhi-taanka, cidda war bixin-toodda iyo halkay ku sugan yihii siisa dadka raadinaaya ciddii wax dishay.

(4) Boos Mire oo isna caqabad weyn ku ah in la soo dabar jaro arintan, loona isticmaalo in magac reer lagu dedo muuqiisa , oo ay isku xidhan yihiin Geenyo Shaaximan.

Waxa uu intaas raaciyey " Kud-madoobi" in dad badan oo war bixin sheegay, taas oo ku saabsan, dadka gacan ku dhiig-la-yaasha ahi, ay xidh-xidhan yihiin. waxa kale oo uu iyana balbalaa-dhiyey, in labaddii askari ee lagu dilay Gar-Adag, ay ka dambeeyeen " Gaafaadhi iyo Geenyo Shaacimani" sabab-tuna ay tahay cadaalad bay ku shaqaynayeen iyo in si rasmi ah nabad loo dhex dhigo labadda beelood, dad badana hoos bay u direen soo sheega denbiila-yaashii dilalka getstay. Waxan ku soo af jaray, ummadu ha ogaato in ay dhab ahayd wixii ay sheekh iyo shariif isugu tageen, in colaadaas la damiyo, ay is tus iyo riyo neefaaq ka ahayd maamulka askarta, dadkii ay meesha geeyeena ay damba-bas ka ahayd, ee aanay daacad ka ahayn, indhaha ummadana la majaro habaabi-naayey mudo afar sano ah, kuna dambaysay " Ruqo nin lihi dabadda hayaa ma kacdo"

mase "Hungawdo daacadiye" haday beeni curyaan-nimo jilbaha dhigatay, oo xulafaddii wax wadda walaaqa-naysay, ay is sheeg-sheegayaan, leeyihiin aniga maahee waa hebel iyo hebel been buu iga sheegaye waa isaga.

* N.B Ma Hungawdo Daacadi.

Qore;- Abdi-Shotaly.

[email protected]

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!