Bismilaahi Alraxmaan Alraxiim {A.S.C.W.R.W.B},

Tu khaas ahna bahda H/W iyo akhristayaasha.

Habaar dhima halbegii noqoday,Duco ha noolaato,

Haddii laysla helila dunidanaan,Hebelba joogeene,

Hedahana Allahuunba hayiyo,Hibbo ku noolaansho,

Hadal badane admigu ma helo,Hawla ebbahay[SWT],

Hiifka iyo nacayb kuma taraan,Hiilna noqon waaye,

Hadimay abuuraan ka daran,Hawshaad Hibanaysay,

Hor ilaahayba loo samraaye,Hadalka shaandheeya,

Hiirtaanyada ka reebiyo waxaan,Horumar keenayn,

Hilfahaba u qaad yaanu noqon,Eray halhayskaagu,

Hanbeeyo wax waa lala hadhaye,Hooji amarkaaga,

Halyaynimadu ma ahuun inaad,Kelidaa haaneedid,

Hareeraho la wada qabanayay,Hawshu soconlayde,

Hagrashiyo ishaysigan badatayba,Heeray qarankiiye,

Hor ilaahay baan u hadlayaye,Hawlgab qarankeenu,

Hunbaalaynta habar wacashadiyo,Hooda iyo keenta,

Hanti urursi haaway wax siin,Qaarna ka horjoogso,

Hore waxay u eedaa haddana,Heeggan loo yahaye,

Hirdankiyo halaayuusku waa,Qabo mar haaneedka,

Hanbo kama sugayno koda hela,Waa halno simane,

Haddii ay heshiiyaan dadkana,Haakah odhanlaaba,