Guddoomiyaha Xisbiga WADDANI Mudane Xirsi Cali Xaaji Xasan isaga oo ku hadlaya magaciisa, ka hoggaanka, fulinta, garabbada dhallinyarada iyo haweenka ee Xisbiga WADDANI waxa uu tacsi tiiraanyo leh u dirayaa qoyska, ehelada, asxaabta, culimada, waxgaradka iyo guud ahaan bulshada Somaliland ee uu ka baxay Alle ha u naxariistee Marxuum Sheekh Aadan Maxamuud Xirsi (Aadan Siirro) oo ka mid ahaa haldoorka culimada Soomaalida oo caawa geeriyooday.

" Shiikha waxa lagu xusuusta inuu qayb ka ahaa dib u dhiskii dalka, sidoo kalena waxa uu ahaa samafale inta jilicsan kaalmeeya kana war haya, si gaar ahna waxa uu xoogga saari jiray ilaalinta iyo ka hadalka caddaaladda, farista samaha iyo reebista xumaha. Waxaan Shiikha Alle uga baryayaa inuu u naxariisto, dembigiisa dhaafo, kana abaaliyo khayrkii iyo samafalkii uu inta badan ku hawllanaa. Si gaar ah, waxa aan ugu tacsiyayanaa qoyska iyo qaraabada Shiikha.”

Ayuu yidhi Guddoomiye Xirsi Cali Xaaji Xasan

إنا للهوإناإليهراجعون

    Af-hayeenka Xisbiga WADDANI

Xildhibaan Barkhad Jaamac Batuun