Loolan xooga ayaa loogu jiraa Cidi bedeli lahay Raysal wasaaraha Ingiriiska, Wasiirkii iscasilay ee caafimaadka Ingiriiska Sajid Javid iyo wasiirkii hore ee caafimaadka Jeremy Hunt ayaa ku dhawaaqay in ay u sharaxan yihiin xisbiga Conservative Party si uu u badalo raysal wasaare Boris Johnson, waxaana tartanka iskaga badhay xoghayaha difaaca Ben Wallace.

Shalay oo Sabti ahayd, Javid iyo Hunt waxay ku biireen Wasiirka Maaliyadda ee hadda, Nazim Al-Zahawi, si ay ugu tartamaan hoggaanka Xisbiga Conservative Party, iyagoo og in Hunt uu Johnson kula tartamay jagada 2019-ka.

Sidoo kale Sabtidii, Xoghayaha Gaadiidka ee Britain, Grant Shapps ayaa ku dhawaaqay inuu u sharaxan yahay inuu xilka kala wareego Johnson, isagoo noqday ku xigeenka shanaad ee Conservative ee gala tartanka la filayo , inkastoo ay adag tahay , inuu  soo jiito konserfatif badan.

Shapps, oo ah xildhibaan rug-caddaa ah oo markii ugu horreysay xil wasiirnimo ka qabtay xukuumaddii Raysal-wasaarihii hore ee David Cameron sannadkii 2010-kii, ayaa ballan-qaaday inuu soo saari doono xukuumad istaraatijiyad ah iyo   mid miyir qabta.