Sidaa darteed , xukuumadda waxaan usoo jeedinayaa in xalinta mushkilada

Sanaag ay u marto dariiqyadan , siyaasadda iyo dhaqaalah , si labadan qodob u xaliyaan mushkiladana waxaa ila haboon in la qaado talaabooyinkan .

1- In la dhiso kaabayaasha dhaqaale ee Gobolka , sidda ,

- Dhamaystirka wadada Ceer-gaabo- Burco .

- Samaynta iyo hirgelinta Dekedda Maydh .

- Dayactirka iyo hawl-gelinta Madaarka Ceergaabo .

- Tayaynta Cisbitaalka guud ee Ceergaabo iyo balaadhintiisa .

- Kobcinta Jaamacadaha Ceergaabo iyo kor u qaadistooda .

- Maal-gelinta dhinacayada waxsoosaarka , Beeraha , Kaluumaysiga , Macdanta

iyo xoolaha nool ee Gobolka .

Hadii talaabooyinkan la qaado , waxaa abuurmaysa in Umadda ku dhaqan Gobolka Sanaag kusoo xidhanto suuqyada dhaqaale ee ka abuurmaya Gobolka , gaar ahaan ay kusoo xidhmaan caasimadda Gobolka .

In bulshadu kusoo xidhanto adeegyada guud kor u kacooda , gaar ahaan Dekedda , eerboodhka , tacliinta iyo caafimaadka.

In Gobolku isku xidhmo , ganacsigiisa iyo isku xidhnaantiisuna xoogaysato .

In maamulku si nebedgelyo ah u fido , dadkuna dawladanimada aamino , maadaama aqoontiisa iyo aduunkiisuba kordheen .

Ugu danbayn , Sanaag mushkiladeedu waxay u baahantahay in loo xaliyo si ku dhisan aqoon , lagana yeesho siyaasad aqoonaysan .