Aniguna waxaan ku dari lahaa Xeerkii doorashada tooska ah ee Ururrada weli lama samayn, xataa Ajandayaasha Baarlamanka imika uguma jirto xeerarkii sida tooska ah Ururrada loogu dooranayay maadaama berigii hore ay golayaasha deegaanka ururradu ka soo bixi jireen.

Ururrada diiwaan-gelintooda waa la sii bilaabi karaa imika, laakiin xeerarkii lagu dooranayay weli lama samayn, xataa Dastuurka dalka kuma taallo ururro si toos ah loo doortaa  dunidana kamaba jirto, laakiin waxay ahayd Dhagax ay Maxkamada Sare si ka fiirsasho la'aan ah ay Ummada ugu soo dhex tuurtay.

Eegga iyo dan, wixii suurto gal ah  ha isla eegaan Xukuumada iyo Xisbiyadu, laakiin xaqiiqda aynu waajahno in ururro la dooranayaa oo Xisbiyo noqonayaa aanay soo muuqan bilaha iyo sanadada soo socda, maadaama xataa xeerarkii lagu dooranayay aanuu weli Baarlamanku samayn.

Xildhibaan Gurruuje runta iyo waaqacaas ayuu si fiican u sheegay, doorashada inoo fudud ee ay wax waliba diyaarka u yihiin ee weliba dastuuriga ahi waa Doorashada Madaxtooyada.

Su'aashu waxay tahay sidii caadada ahayd ma cuwaafta Xildhibaanku tilmaamay ka dib ayaynu doorashada qabsanaa, mise cuwaaf la"aan  aynu xiligeeda ku galno.

Labaduba waa Maqbuula haddi la isla ogolaado.