Somaliland Oo Xukun & Ganaax Iskugu Dartay 4Saxafi Oo Xidhnaa
Hargaysa (HWN) Maxkamadda Gobalka Maroodi-jeex ayaa Saaka Min hal sanno iyo 4 bilood ku xukuntay wariyeyaasha kala ah Mohamed Ilig (MMTV) iyo Cabdijibaar Maxamed (HCTV) halka ay xorriyadiisii u soo celisay Cabdiraxmaan Khaliif.
Geesta kalena, Wariye Cabdimaalik muuse coldoon ayaa Saaka Maxkamadda Racfaanka ee Hargeysa ku xukuntay laba sannood oo xadhig ah iyo saddex milyan oo shilinka Somaliland oo ganaax ah.
Maxkamadda gobolka Maroodi-jeex ayaa hore wax dambi ugu wayday Coldoon balse ugu dambeyn saaka ayey xukuntay Maxkamadda Racfaanku.
Saxafiyiinta kala ah maxamed Ilig iyo Cabdijibaar ayaa la qabtay iyaga oo soo tabinaya dhacdo ka dhacday jeelka wayne ee Magaalada Hargaysa, wakhtigaasi oo xukuumadu siwada jir ah uxidhay saxafiyiin gaadhaya labaatan saxafi, taasi oo ahayd suxufiyiintii ugu badnaa ee markeliya Somaliland lagu xidho.
Isku soo wada duuboo, xukuumada Muuse Biii ayaa dagaal cad ku haysa Saxaafada oo tiir mihiim ah uh dimiqraadiyada Somaliland.