Hargaysa (HWN) Wadahadaladii loo balansanaa ee Mucaaridka Iyo Xukuumadda Madaxweyne  Biixi ayaa burburay, taas oo loo balansanaa 18-may kadib.

Fashilka wadahadaladii labada dhinac ayaa yimi kadib markii Biixi uu saaray shan-xubnood oo isaga ka hooseeya kana tirsan Xisbiga Kulmiye inay wadahadalada la furaan labada Xisbi mucaarid, arrintaas oo keentay inay ku gacan saydhaan mucaaridku iyagoo ku dooday in aanay wadaxaajood la furayn Xubno aanay talladu ka go’in.

Ballanta labada dhinac ayaa ahayd inay ka wada hadlaan muranka doorashooyinka, lama garanaayo waxa badalay ballantaas hore oo ummadda  Somaliland si weyn uga dhag taagaysay waxa kasoo bixi doona.