Bismilaahi Alraxmaan Alraxiim[A.S.C.W.R.W.B],

 Tu khaas ahna bahda H/W iyo akhristayaasha.

Doorashada ninkii diidaye,Dibudhac doonaaya,

Dumintii midnimadu wada,Daalinimo sheegay,

Dawladnimo diyaar uma ahiyo,dadab galkeeni,

Dimuqraadinimadaanu rabin,Daalka loo maray,

Dulmigu kusoo caano dhamay,Deyna kariwaaye,

Derajaanu weli moodayaa,Damacii shaydaanka,

Doorkan yeelimaayan dadkiye,Dunida gaadhsiya,

Duurxul hadalka diifaha lehiyo,Diradiraalantan,

Dadkun bays nacsisaan,Gudina daab ma gelisan,

Denbigaa ka jeceshiin,dacwiyo daayin amarkiisa,

Dagaalkii sokeeyaad wadanon,Daahna qarinayn,

Denbarsado duxdiisana hirqada,Diide nabadiiye,

Daa iyo ka daayaay in badan,Waan idiin degaye,

Danba muranka moodaan,Dalkana uma danaysan,

Durbaan beena duul loo tumoo,Duudsi daashaday,

Dad dayaysanuu dilay qabiil,Dawgi ka habawshay,

Digashiyo dibiro ridashadaad,Nala duljoogtaane,

Xisbiyadan dawakhay xidha,Haddii qaran la doonayo.

Saddexdoodu isma dooriyaane,Waa duul walaalo ah.