Hargaysa (HWN) Gudoomiyaha Golaha Wakiilada Jamhuuriyada Somaliland mudane Cabdirisaaq Khaliif Axmed oo uu weheliyo Gudoomiye kuxigeenka  golaha Mď. Siciid Mirre Faarax (Giire)  Xoghayaha Guùd  iyo la-taliyaha Arimaha Caalamiga ah ee Golaha  ayaa maanta Xarunta  Golaha kulan kula yeeshay  Safiirka dalka Taiwan u jooga Somaliland Ambassador Allen C Lou.

Gudoomiyaha ayaa kulankan uga mahad celiyey Taageeradii iyo garab istaagii Dalka Taiwan kaga qayb qaateen Musiibadii  haleeshay suuqa weyn ee Hargeysa ee  #Waaheen.

Sidoo kalena waxaý labada dhinac aad isula lafagureen sidii loo xoojin lahaa wadashaqaynta  Golaha iyo Safaarada iyadoo safiirkuna  shirgudoonka uga mahadceliyey sida qiimaha leh ee ay u qaabileen isagana ay ka go'an tahay in Dareenkaas wadajir iyo wax wada qabsiga ku dhisan uu joogteynayo oo uu kor usii qaadayo.