Dagaaliyo Colaada, Duufaaniyo Dabiyo Cudur, Daayinkeen Inaga Hay, Duco Weeye Ramadaan, Amiin Dhaha Dadweynow.
Tu khaas ahna bahda H/W iyo akhristayaasha.
1-Duunyo ruuxa hayste,Degdeg inu ku taajiro,
Doonayo dalaadala,Dulsaar badan ka daayo,
Danyarteena dhawro,Ha duldhiganin xaraan,
Daawo suuqi waaheen,Doolarka iyo dahabki,
2-Danbasba ka hadhayo,Waana loo dawerayaa,
Daayin mahadi weeyano,Dadkiiba inoo noolo,
Duunyo way tabcanayan,dawgeeday yaqanan,
Duruusaan dhamaniyo,Digniin bay inoo tahay.
3-Dadku barasho weeyee,Derskaaga kala baro,
Diyaarado rusheeyo,Degdeg inooga deminlaa,
Dawladaha jaarkeenu,daqiiqaday ku imanlayd,
Duur xulkaygan faalada,Deegaanku kuma jiro.
4-Dad miyaan la simayaa,Duniyo dhalasho weeyo,
Dareenka iyo garashaa,Damqashada hogaanshe,
Dabeecadoodu kala gaar,Hooyo labaday dihatay,
Ugu dudinamayno,Dadkaan nahay walaal dhaba.
5-Ducuun baan ku xidhaya,Dabuuta iyo maansadan,
Daayinkeen inaga dhawr,Dagaalka iyo colaadaha,
Dufaanka iyo dabaylaha,Dabka olola beladiisba,
Daacuun iyo dilaa cudur,Duumada kolay tahay.
Ducadeenan ramadaan,Aamiin dhaha dadweynow,
Ismai Abdillahi Handuleh.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!