Waxaan aad uga xumahay xadhiga saaxiibadeyda saxafiyiinta ah ee habeenkii saddexaad xidhan waana sune xun, saxaafadda waxaa garbaha ka cuna siyaasi ay badhi taareen oo ay ummadda bareen kaas oo markuu dantiisa gaadho miciyo soofaysan ula soo baxa kuwii isaga wax ka dhigay.

Saaxiibadey wey soo baxayaan idam alle iyagoo ah kuwii aad u baahneydeen

Saaxiibadeyda saxaafadda ee dalka iyo dibadiisa jooga mid baan lee yahay.

Waxaan lee yahay umidooba dantiina guud oo wadajir muujiya waayo taas ayaa guul idiin horseedi karta haddii aad kala qaybsataan oo daneystayaasha siyaasiga ahi idin kala qaybiyo sidii saddexda Dibbi ayaa maalinba mid laydin cuni, Midna waan idiin sheegayaa baahi joogta ah siyaasi baa leh oo gabalkii dhaca iyo waagii baryaba wuu baahan yahay mar xil buu u baahan yahay oo ma hadhsanayo marna dad buu u baahan yahay inay garbihiisa joogaan baahi iyo siyaasina waa walaalo.

Cabudhinta iyo cabiidinta saxafiyiinta lama mahadiyo ee kuba iyo bawdada ayaa lagaga jabaa saxafiyiinta waa kuwa ugu horeeya ee qaranka difaaca waayo maalinta xun baa loo habar wacdaa oo maalinta wanaagsan baa loo habar wacdaa haddii maalin khalad ka dhacona waa lagu ciqaabaa gar maaha oo gobonimo maaha waxaan lee yahay

"ninkii Anniga iga maarmikara uma muraad yeesho”

Xukuummaddu yaaney coleysan warbaahinta ee xorriyadooda haw soo celiso wariyayaasha xidhan

Shicibyahaw, in aynu nahay kuwa leh awooda ay ku xulanayaan siyaasiga u soo heensaystay xil umaddeed oo loo diro. Cidda diraysaa waa inaga oo shicibkiiya, Hadda ba, si awooda Alle inagu galaday aynu u yaqiinsanno, maxaa inaga hor istaagi kara dhammaystirka waajibaadka Qaran ee inoo sahlaya in aynu doorasho ku muujinno rabitaankeena masiiriga ah oo aynu hayb iyo hebelo dano gaar ah leh ka xorowno

Aynu dhammaanteen hadda waa idilkeen codkeenu ha abuuro jawi ka duwan kan inoo muuqda

"Waxaan Ahay Ma Eexdaha

Runta Marada ku Astura

Maqas Laba Aflaan ahay"

Abwaan Yamyam AHN

W/Q- Maxamuud C/raxmaan