Hanti Dhan $1 Milyan Oo Markale Ka Gubatay Somaliland
Hargaysa (HWN) Xoghayaha Ganacsiga, Dalxiiska iyo Warshadaha Xisbiga Waddani Xamse Cabdiraxmaan Khayre ayaa ka hadlay Doon urarnayd ganacsato Somaliland ah oo bada ku gubatay.
Xogahayaha ayaa qoraal uu arinkaasi kaga hadlayo oo uu baahiyay uqoray sidan:-
Waxaan ka xunahay doonta Somaliland laga lahaa ee shalay xiliyaddii afurka ku gubatay badda gacanka cadmeed iyadoo u soo socota marsadda Berbera. Doonta waxaa lahaa Cali Ducaale waxaanay u rarnayd Ganacsade Rashiid Ibraahim Ciise oo labadduba ka mid ah Ganacsatada Dalka.
Khasaare ka badan hal milyan (1 million US Dollar) baa dhacay oo hanti uun ah sida uu ku waramay mulkiilaha doontu oo isugu jiray badeecaddii saarnayd iyo doonta lafteedii. Isku day ay ciidamada Yemen ugu soo gurmadeena laguma guulaysan in la badbaadiyo doonta iyo rarkii saarnaa toona.
Xafiiska Ganacsiga, Warshadaha iyo Dalxiiska ee Waddani wuxuu dadka
hantidaa lahaa u rejaynayaa in Alle (swt) uu cawil khayr qaba ugu bedelo
hantidaa ka baaba'day. Waxaanu Xukuumadda JSL ugu baaqaynayaa inay baadho
asbaabta dabkan soo noqnoqday isla markaana ay socodsiiso Xeerarka Caymiska
Guud si loo yareeyo khasaaaraha noocan oo kale ah mustaqbalka.
Allaa Mahad leh,
Xamse Cabdiraxmaan Khayre
Xoghayaha Ganacsiga, Dalxiiska iyo Warshadaha
Xisbiga WADDANI