Abwaan Mowliid Qoqol Oo Gabay Utiriyay Gudoomiye Faysal Cali Waraabe.
Wuxu xalayto nagu yidhi
Nimaan xiiso dhicin iyo
Qof xafiil tamaan ahay
Xaasid aan hadhaynoo
Xiqdi dhaamiyaan ahay
Nimaan xiisa bogonoo
Xuduud loo qiyaasiyo
Xadba aanu celinoo
Xawaareeya baan ahay
Xantu nimay la durugtoo
Xishood daayay baan ahay
Nimaan xeerba qabanoo
Iska xaytay baan ahay
Xanbus iyo digaan ahay
Nin xaraashay sharafoo
Cuqdadii ku xidhanto
Nixli xaabsadaan ahay
Xigmad guur waxaan ahay
Lagu xado odhaahdoo
Xaydaabka loo dhigo
Iska xeel fogaynoo
Dabar lagu xidhaan ahay
Xaawis iyo sukaan ahay
Nin xisaabta lagu nacay
Xakakoobsan waayoo
Iska xaadiraan ahay
Daadkii xalinayiyo
Xunbo layska saydhiyo
Xanan iyo qodxaan ahay
Nin xagaafay garasho
Xulad galiyay baan ahay
Xamartaydun maqasheen
Dadna kaba xanaaqee
Xusuusteedu badan tahay
Aniga la xididoo
Xafladahaay leeyiin
Anu xaadir baan ahay
Waan la soo xadreeya
Is xabeebintayday
Dadka qaar xaqiiqiyo
Xaajo runa u haystaan
Xuraanka waxan ahay
Ilaa xaarama cune
Xirfadiisa tahayoo
Ku xabkaysan jiray abid
Ufo yaa xabaal dhigay
Taariikhda xaradhka
Ismaaciil xarfuhu qoray
Ninka lagu xantaan ahay
Xaqu dirirki dagalkana
Dagaalkii xigtaysnaa
Wixii loo xabaal galay
Loo Xinjira bururiyee
Raga xawda laga jiray
Ama xoolo oo huray
Dumar xowda laga jiray
Xoogayga kuma galin
Xamar kuwii dhex joogee
Xabad keentay lagu yidhi
Xagoodaan ku laalaa
Sedex jeer nin xiiqoo
Hadba soohday xadhigoo
Laga xiiran baan ahay
Xeel sirayste waxan ahay
Xumaantow dhex joogoo
Inu yahay xabiibkood
Ku xabeebta baan ahay
Xadhko miiqidaydiyo
Xakakoobsigaygiyo
Xaalkaygu badanaa
Xisbigaygi barigii
Jamaal uu xawaaraha
Xidigaha ku geeyiyo
Hadaan ucid xalaashaday
Isagana ku xidhay dabar
Ku xidaaray hadimada
Saw xaaji maan noqon
Maxa xeebo igagalay
Xuduntii dhulkaygiyo
Hawd baan dhex xulaya
Cirro xulafo culus iyo
Xoog iyo awood iyo
Meelay xoola yaalaan
Ama xukun la moodaha
Kulmiyaan la xero dhigan
Halkaasaan xasuuqiyo
Xiqdigaba ka soo wadi
Inaan daba xabeebtiyo
Xaasidnimo I farantahay
Inaan xagxagtaan rabaa
Xajiin mariyaan rabaa
Hadu iga xeel wacnaaday
Inaan xiniyaan rabaa
Xisbiga ka dilaan rabaa
24-05-2019
Maansadaa waxaa tiriyey Abwaan Mowliid Qoqol