Dowladda Mareykanka ayaa ballaarisay tirada dadka Soomaalida ah ee lagu soo rogay xayiraadaha fiisaha, kuwaas oo lagu eedeeyay wiiqista hannaanka dimuqraadiyadda Soomaaliya.

Xoghayaha Arrimaha Dibadda Antony Blinken ayaa sheegay inay sii eadsyaan cadaadiska la saarayo madaxda Soomaalida ee caqabad ku noqday horusocodka doorashooyinka iyo arrimo kale.

Tallaabadan ayaa timid kadib markii uu mar kale dib u dhac ku yimid dhameystirka doorashada Golaha Shacabka, iyadoo dhinaca kale Maraykanku aanu weli shaacin magacyada shakhsiyaadka la cunaqabateeyey.

Shacabka Soomaaliyeed ayaa ka dhursugaya Mareykanka in uu soo bandhigi Magacyada siyaasiyiinta uu kusoo rogay xayiraadaha fiisaha.