4-casho oo aan Berbera joogay, waxaan dareemay inaan joogo magaalo nidaamsan xagga wadooyinka, caalamadaha wado marista iyo gooladaha isku wareega ah ee samxada baabuurta lagu kala jabiyo. Hargaysa ayaan shalay ku soo laabtay, gurigayga oo Jigjiga yar ku yaala ilaa Dawladda Hoose waxaan u soo socday Saacad, halkaan Berbera ilaa Hargaysa u soo socday Saacad iyo Badh. Maayarka Magaaladda Hargaysa Saxiibkay Cabdikariim Axmed Moogge bal horta doog cagaaran iyo indho doogsi haynoo danbeeye  wadooyinku siday u kala muhiimsan yihiin Maayar u kala horraysi.

Wadada 150-ka haddii aad qorshe u samaysaan magaalada culays badan oo cidhiidhiga gaadiidka ayay ka furan lahayd, laba wado oo kaliya oo mid galitaan ah iyo mid bixitaan ah ayay ku soo koobmeen wadooyinka wadnaha Caadimadda tagaayay. Labadii wadana maha kuwo hagaagsan oo habaysan, mida  dhakhtarka dabadiisa marta kalyo xanuun ayaa laga qaadaya. Wadooyinka xaafadaha waxa Maayar ka muhiimsan wadooyinka wadnaha Magaalada waraabiya. Mida kale nidaamkan qariban ee Cali Warancadde dajiyay waagu Wasiirka daakhiliga aha maha mid caqliyaysan, nidaamkaas oo ah wado galida iyo mid bixida kuma fadhiyo qorshe wax ka taraaya samxada gaadiidka. Maayar anigu waxaan kamid aha Dadkii qabay in lagugu tijaabiyo Maayarka Caasimadda, waayo siday Istanbul isugu dhex daad sanayd  Recep Tayyip Erdoğan intaanu maayarka ka noqon ayay Hargaysa u qasnayd maayarnimadaada ka hor walina u qasantahay. Ilaa hadana lama arko qorshe cad oo mudaysan oo  Caasimadu u raacayso isbadal nidaamsan.  Sidan xaalku hadda yahay  Hargaysi caasimad kuma sii ahaan karto. Qurux iyo dooga cagaaran waxa ka horreeya in wadooyinkan yoomal qiyaamihi la moodo hal-abuur lagu tanaado  aad u curisaan.

Tusan.

Muniir Axmed Cigaal