Waar kan Xildhibaanka lagu sheegayo ee Berbera muwaadinka kale ka sheeganayaa muxuu ahaa ?

Kolay waa Fulay yar oo ka mid ahaa kuwii Dulcad ama Darroor Daqiiqda Islaamaha la qaadan jiray markii aanu Berbera ku dagaalamaynay ee aanu Cabdicasiis Cali Barre Xabada kaga saarnay ee dhiigayagu ku daatay.

Fulayadaas Qaxootiga joogay inuu ka mid ahaa waxaa caddayn u ah, geesiyaashu cidna meel kama sheegtaan, Muwaadiniinta reer Somalilandna waa isugu mid.

Weli miyaad aragteen Geesiga Mujaahid Ibraahim Dhegoweyne oo leh Berbera anagaa leh? Weligii afkiisa lagama maqal isaga oo Berbera cid ugu faanaya ama ka sheeganaya.

Haddii aad aragto qof deegaan ama magaalo cid ka sheegta waa Qof aan dhamayn oo fule ah, oo maanta haddii ay Xabadi dhacdo dhuumamaya, marka nabada iyo nimcada lagu jirana laabta garaaca oo fidnada iyo qabyaalada iyo kala qoqobka ummada ka shaqeeya.

Xildhibaan Abiib waanu ka raali gelinaynaa afxumadaa uga timi inankaas yar ee ku gefay guud ahaan Ummada reer Somaliland.

Dalka reer Somaliland waxa uu ka dhexeeyaa Ummada reer Somaliland oo dhan, lamana kala sheegan karo. Xildhibaan Xeel-dheerana waxaa ku waajib ah inuu Raali gelin degdeg ah siiyo Xildhibaanka uu ku gefay.

W/Q: Kaysar Maxamed