Hargaysa (HWN) Xoghaye Xigeenka Ganacsiga ee Xisbiga Mucaaradka ah ee Waddani  Cabdirashiid Saleebaan ayaa xukuumada Muuse Biixi usoo jeediyay inay cashuur dhaaf samayso mudada ay jiraan abaaraha iyo Sicir bararka iskaashaday.

Xoghayaha ayaa sidaasi ku sheegay qoraalkan hoose oo uu faafiyay:-

Masuuliyadaha ummadda dadka qaada ee xambara maaha kuwo dadkii ay u dhaarteen ka dareen duwanaada balse waa kuwo la dareen ah, maanta oo kale Waxa socda imtixaan waxaana la eegaya kuwii ummadda u dhaartay dareenkoodu halka uu ka joogo shacabkooda.

Waxa Aan la hilmaami karin In xukumada iyo xisbigeeda Kulmiye ay ku hafteen masuuliyadii ummadda ee ay qaadeen, Waxa cadayn u ah erayada ay ku tirabayan oo  ah, Sicir barar ma jiro.

Xukuumadda waar hadaad wax kale awoodi waydeen canshuur dhaaf 100% ah u sameeya ganacsatada khaasatan badeecadaha quutal daruuriga ah.

Talo ku socota ganacsatada walaalayaal waad aragtaan halka uu dalkii marayo shacabkiina u tudha in badan ( profit ) waad hesheen maanta khasaare  ( loss ) na u badheedha oo shacabkiina u dhimriya oo qiimaha ugu macquulsan quutal daruuruga kaga iibiya.

Culimada walalayal waxaad kow ka tihin hormuudka bulshada sidii dadka abaaraha iyo biyo la,aantu aafeeyeen aad ugu kici lahaydeen baa la idinka rabaa awalna waad u kici jirteen inta jilicsan maantana shacabkii waa surmi Insha Allah kaalintiinii waa idin eegtahay.