HWN XAMAR::-Hoolka teendhada Afisiyooni ee Magaalada Muqdisho waxaa Maanta oo Khamiis ah lagu qabtay doorashada Guddoomiyaha Guddiga xalinta khilaafaadka doorashooyinka kadib markii kal hore Ra’iisul Wasaare Rooble uu Guddiga ka saaray 7 Xubnood oo uu kujiray Guddoomiyihii Guddiga.

laba Musharrax ayaa isku soo taagay Guddoomiyaha Guddiga xalinta khilaafaadka doorashooyinka, kuwaas oo kala ah Maxamed Cawil Warsame iyo Mustaf Macalin Cali, balse waxaa kusoo baxay xilka Guddoomiyaha Guddiga xalinta khilaafaadka Maxamed Cawil Warsame kadib markii uu tanaasulay Mustaf Macalin Cali.

Cod gacan taag ah ayay Xubnaha Guddiga xalinta khilaafaadka dhamaantood ugu codeeyeen Guddoomahooda Cusub ee Maxamed Cawil Warsame oo kamid ah todobada Xubnood ee Ra’iisul Wasaare Rooble uu ku bedelay todobadii uu Guddiga ka saaray, halka Mustaf Macalin Cali uu kamid yahay Xubnaha Guddiga ee uu soo Magacaabay Madaxweynaha Galmudug Axmed Cabdi Kaariye (Qoor Qoor).

Guddiga xalinta khilaafaadka doorashooyinka ayaa ah guddi muhiim u ah doorashooyinka, waxaana Shaqadooda ay tahay inay qaadaan dacwadaha la xiriira hadii la isku qabsado kuraasta Baarlamaanka labada Aqal ee la doortay…

Sigaar ah Qabashada Kursigaan Waxaa Ku loolamay Xafiisyada Raysul-wasaarsh Iyo Kan Madaxweynaha, Balse Xog Ay heshay Hadhwnaag Ayaa Muujinaaya In Gudoomiyaha Guulaystay Uu Ka Yimid Dhanka Xafiiska Reysul-Wasaaraha Kaasi oo Khilaaf adag wali kala Dahaxeeyo Madaxweyne Farmaajo…

Arintaan ayaa ka dhigan In Madaxweyne Farmaajo Gacantiisa aay ka Baxeen Hoggaanka Guddiga DoorashooyinkaHeer Fadaraal Iyo Kan Khilaafaadka, waana Tilaabo kale oo Culees kusii Kordhinaysa Dib usoo Laabashada madaxweyne farmaajo….