Hir-Shabeelle oo in hub lala galo ka mamnuucday Garoomada Diyaaradaha Jowhar & Beledweyne
Sababta ka dambeysa amarkaan ayaa ah in Jowhar iyo Baladweyne
Wasaaradda Amniga DG Hir-Shabeelle ayaa mamnuucday in hub lala galo Garoomada Diyaaradaha Jowhar oo caasimadda Dowlad-Goboleedkaas ah & Baladweyne xarunta Gobolka Hiiraan si loo adkeeyo nabadgalyada Garoomadaas.
"Wasaaradda Amniga Hir-Shabeelle waxa ay Hay’adaha ammaanka gaar ahaan Booliiska & Nabadsugidda ku wargelineysaa in Garoomada Diyaaradaha Jowhar iyo Baladweyne laga mamnuucay hub lala galo laga bilaabo 15ka Janaayo 2022, waa lala xisaabtami doonaa cid weliba oo jebisa amarkaan” ayaa lagu yiri Xaanshida Wasaaradda Amniga Hir-Shabeelle.
Sababta ka dambeysa amarkaan ayaa ah in Jowhar iyo Baladweyne ay ku wajahan yihiin musharixiin, ergada dooraneysa Xildhibaannada Golaha Shacabka Baarlamaanka 11aad iyo shaqsiyaad dano kale u tagaya Hiiraan iyo Shabeelaha Dhexe.
Wasaaradda Amniga DG Hir-Shabeelle waxa ay ku baaqday in lala shaqeeyo Hay’adaha ammaanka oo mas’uuliyad gaar ah ka saaran nabadgalyada Garoomada Diyaaradaha Jowhar iyo Baladweyne.
Loading...
Loading...