Burco (HWN) Ciidanka booliska ee magaaladda Burco ayaa hawgal baadhis ah ku samaynaya gaadiidka yar-yar ee looyaqaan bajaajta.

Ciidanka booliska oo lagu arkayo wadooyinka muhiimka ah ee magaalada ayaa hawlgalkan ku ururinaya sameecadaha lagu dhagaysto heesaha ee ku xidhan gaadiidka bajaajta.

Lama oga cida bixisay amarka gaadiidka lagaga ururinayo qalabka heesaha lagu dhagaysto ee sameecadaha, balse qaar kamid ah dirawalada ayaa sheegay inay umalaynayaan in amarkan ay bixiyeen Gudida wanaag faritsa iyo xumaan reebista Burco.

Gudidan ayaa hore uga mamnuuncday in xafladaha huteelada Burco lagu qabto lagu dhagaysto heesaha iyadoo sidoo kalana Burco ka mamnuucday in lagu qabto bandhig faneedyada.