Ila Qosol, ... Cabdullaahi Maxamed Cumar
Nabad akhristayaasha mudnaanta iyo maamuusta ku dheehanow.
bariido
kaddib, waxaynnu halkii ka sii wadi doonnaa; sheekooyinkeennii la
magacbaxay,
Ila Qosol.
Xilli ku beegnayd
1960 naadkii oo dadka intooda badani u haysteen, in
shilayska (cayilka) ama
buurnidu tahay astaan lagu garto: c
aafimaadqabka qofka, taajirnimadiisa ama inta ay le'eg tahay
cuntada uu cunay - oo intooduba ahaa astaamo togan beryahaasi, ayay
islaan degganayd magaalo ka mid ah dhulka Soomaaliyeed xanuunsatay!
Markii ay bukootayna waxa tagtay,
bukaansocoto yar (clinic) oo magaaladaasi ku taalley. Markii
ay meeshii tagtayna, waxay shaqaalihii bukaansocotada weydiisey; in uu
joogo dhakhtar
caan ahaa oo ay magaciisa dadka ka maqli jirtey ase aanay
muuqaalkiisa hore u arag!? Waxana loo sheegay, in uu joogo oo loogu
yeedhi doono!
Dabadeedna, markii ay cabbaar fadhidey; ayuu u yimid nin abuuris
ahaanna aad u nis yar, weydna ahi (caato)! Waxana is yeelan waayey,
muuqaalkii ay ka fileysey dhakhtarka magaalada iyo ninkan horteeda
taagani sida uu eg yahay!!
Islaantu waxay u malayneysey, maadaama uu yahay dhakhtarka magaalada; in uu yahay nin
shilis oo dadka kale ka wada cad oo dawo badan cunay - caafimaadkiisuna heersare yahay!!
Dabadeedna,
waxay weydiisey dhakhtarkii, su'aal ay ku hubinayso, in uu yahay
dhakhtarkii ay dooneysey iyo in kale? Waxayna tidhi, " Hooyo, ma adigaa dhakhtar hebel ah?!" Markaasi ayuu ugu jawaabey, " Haaye, maxaan hooyo kuu qabtaa?"
Islaantii intay kacday oo ay dhaqaaqday, ayay ku tidhi dhakhtarkii, " Hooyo, aniga ayaaba ku ildhaamee; waxaad aniga igu daweyn lahayd, adigu isku dawee!!"
"Ninba timo xamar!" Imikana cayilkii wuxu noqday, ceeb iyo cudur!!
Cabdullaahi Maxamed Cumar
Email: [email protected]
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...