Hargaysa (HWN) Ciidanka ammaanka Somaliland ayaa xabsiga u taxaabay qaar ka mid ah masuuliyiinta Wershadaha Roodhida Laydhka sameeya oo iska soo  duubay muuqaal ay isku dhaarsadeen in la kordhiyo qiimaha roodhida.

Tallaabadan ay Roodhileyaashu kor ugu qaadeen qiimaha Roodhida iyo qaabka ay u mareen, ayaa aad uga qayliyeen qaybaha kala duwan ee bulshadu, iyaga oo qaarkood ku baaqay in aan la iibsadan roodhida wershaduhu sameeyaan.

Muuqaalkan ay isku dhaarsanayeen masuuliyiinta warshadaha soo saarada Roodhid laydhku ayay shacabku aad uga faaloonayeen baraha Bulshada. Waxaanu ku soo beegmayaa xili maciishadu qiimo korodh badani ku yimid.