Taariikh yahanka Maraykanka ee magaciisa la yidhaahdo Basil Davidson isagoo dhacdadan ka waramayana wuxuu yidhi , waa guushii ugu waynayd ee aduunka jabhaddi gaadho marka lagga reebo Vitnam .

Madaxwayne Mingiste markii warkani soo gaadhay wuu argagaxay , ka dibna wuxuu si degdega wasiirkiisii arrimaha dabada Dr Birhanu Baye u diray Magaalada Mogdisho , waxaanu usii dhiibay Fariin nuxurkeedu yahay in Itoobiya ogolaatay qodobadii ay Mingiste iyo Siyaas isku afgaran waayeen shirkii Djabouti maalmo ka hor , kuwaasoo kala ahaa , joojinta caawimadda snm , ka bixista degmooyinka Gal-dogob iyo balanbale iyo kala durkinta ciidamada labada dhinac . dhinaca kale wuxuu dil toogasho ah ku fuliyay Taliyihii ciimadiisa la jebiyay ee Gen Tariku Ayne .

Maxamed siyaad oo aan filaynin warka soo kordhay isna si halhaleea ayuu u qaatay fariintii Dr Birhuna Baye .

Bishii May 23 1988 ayuu Maxamed Siyaad u dhoofay Magaaladda Adis ababa , si ay Mingiste uga soo wada sheekaysteen halka uu marayo heshiiskii la isla gaadhay .

26 May Madaxwayne Mingiste iyo Maxamed Siyaad waxay dalxiisa ahaan u tageen Magaalada Soddare ee duleedka Adis ababa , si ay waqti ugu soo wada qaataan .

8 Subaxnimo 27-1988 ayaa war degdega oo ka yimi Mogdisho loogu keenay Soddare kaasoo ahaa in ciidamadii Snm la wareegeen Magaaladda Burco , ka dibna maxamed siyaad wuxuu dagaal iyo cay kaga qaad qaaday mingiste , isagoo ku leh waad i qiyaamaysay .

1 June ayuu booqasho ku saabsan warbixinta xaaladda soo korodhay ugu tagay , Taliyihii Qaybta 26 aad Maxamed s Moorgan ,xaruntii Villa Somalia , waxaanu si buuxda ugu sheegay in taladdi farihiisa ka baxday,hassa yeeshee Maxamed Siyaad sidii Mingiste u khaarajiyey Taliyihiisii Gen Tariku Ayne uma khaarajinin waanu u naxariistay , maadaama uu soddog u ahaa , hasa yeeshee wuxuu halkiisii usoo diray Madaxwayne xigeenkiisii , Gen Maxamd A Samatar .

Ugu danbayn Bishii may 24 1991 ayaa shacabka Eretrea ku dhawaaqeen in ay dib u hanteen xornimaddii ka saranseerantay 1961 kii ee ay 30 sanno u dagaalamayee , dhinaca kale 18 May 1991 ayaa Somaliland dib ula soo noqotay xornimadii ka luntay 1960 kii .

Maalinta jimcaha ah ee inagu soo socota ayaana shacbiga iyo Dawladda Eritrea u dabaal degayaan maalintaa qiimaha leh , siddii shacbiga Somaliland sabtidii dhawayd ugu dabaal degeen xuska 18 may .

W/Q: Ahmed Nour Guruje