Wasiir Sheegay In Waddani Kaga Dayday Kulmiye In La Isku Wareejiyo Guddoomiyenimada
Hargaysa (HWN) Wasiirka Isgaadhsiinta iyo Tignoolajiyadda Somaliland Cabdiweli Cabdillaahi Suufi, ayaa sheegay in Xisbiga Waddani uu Kulmiye kaga dayday habka la isugu wareejiyo Guddoomiyenimada Xisbiyada.
Wasiirka
Isgaadhsiinta oo qoraal soo dhigay bartiisa Facebook-ga, ayaa waxa kale oo uu
ku hambalyeeyey Hoggaanka Waddani ee la doortay, waxaanu yidhi
"Marka hore waxa
aan u hambalyaynayaa hoggaanka cusub ee Xisbiga Waddani oo kala ah
Guddoomiyaha, lixda-ku-xigeen, Xoghayaha iyo Ku-xigeenkiisa.
Qoraalka uu kaga
falceliyay xoghayha guud ee xisbiga Waddani waraysigii Wasiir Siciid Sulub waxa
ka muuqda degdeg iyo dul-ka xaadin.
Marka hore wuxuu u hambalyeeyay Wasiirku hoggaanka cusub ee xisbiga Waddani oo
faallo ugama furnayn xoghayaha uu kadaba
qaato, marka labaadna wuu hogatusaaleeyay musharraxa sida uu u arko in ay ku
wanaagsan tahay.
Tallaabada xisbiga
Waddani qaaday waa mucaamala siyaasadeed (political arrangement) uu xisbiga Kulmiye
xuquuqdiisa leeyahay (Copywrite) in xilka guddoomiyaha la isku wareejiyo
Xisbiga Waddanina kaga dayday sannadkan 2021 ee maaha hal-abuur cusub oo
siyaasadeed oo ay la yimaadeen kuna faani karaan.
Su’aasha hortaalla
xoghayaha waxa weeyi kalsoonida xisbiga Waddani ka dhex jirta ee ay ku maqan
yihiin kaadiriin, hoggaamiyayaal iyo taageerayaal badan oo xisbigu lahaa oo ay
ka mid yihiin Ismaciil Hurre Buubaa iyo Xuseen Axmed Caydiid maxay tahay?
Tallaabooyinka siyaasadeed ee la qaadanaya waxa laga qiyaasaa marka ujeeddooyinka laga lahaa la gaadho."