Madaarka Berbera: Haloogu Magac Geesigii Somaliland Xoreeyay, ahaana Madaxweynihii u horreeyay ee Jamhuuriyada Somaliland.
Asalaamu Calaykum
Berri subax waxaa lagu wadaa in Xadhiga laga jaro dhismaha cusub ee magaalada Berbera oo ay inoo dhiseen Dalka aynu Walaalaha nahay ee Imaaraatka Carabtu, waxaana furi doona Madaxweynaha Jamhuuriyada Somaliland Mudane Muuse Biixi Cabdi oo imika Berbera ku sugan.
Waxaan soo jeedinayaa oo aan Madaxweyne Musse Biixi ka codsanayaa in uu Madaarka Berbera ku sharfo Geesigii hogaaminayay Ururkii SNM ee xoreeyay Dalkeena ee ay Madaxweyne Muuse halganka soo wada galeen.
Allah ha u naxariistee Madaxweyne Cabdiraxmaan Tuur waxa uu Dalkan ku leeyahay Abaal taariikhi ah oo aan weligii duugoobi doonin, Madaxweyne Muuse waxay u horseedi doontaa sharaf iyo wanaag la xusi doono haddii uu Saaxiibkii ku sharfo magaca Madaarka Berbera. Maalinta ay Madaxweyne Muuse tiisu timaadana waxaa lagu sharfi meelo ka sii weyn Madaarka Berbera.
Ugu danbayn waan ku
faanayaa inaan ka mid ahaa Ururkii SNM gaar ahaan Guutadii Koodbuur ee
xoraysay, gacantana ku dhigay magaalada Berbera, kuna dhaawacmay sanadkii 1991.
Waxaanan dhawaan idinla wadaagi doonaa sida uu ahaa Madaarka Berbera maalintii
u horreysay ee aanu gacanta ku dhignay, kana saarnay ee aanu jabinay Ciidankii
Dawladii Maxamed Siyaad Barre.
Ma Duugoowdo Taariikhdu
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!