Ardaygii Ka Yaabiyay Macalinkiisa
Macallin ayaa dharbaaxo adag ku dhuftay mid ka mid ah Ardaydiisa, isagoo ku yiri; "Maxaad u soo qori waysay casharkii laguu diray (Home work)”?!
Ardaygii ayaa si deggan ugu jawaabay, "Macalin, kuma aanan qancin waxa aan ka akhriyay Buuga.” !!
Utaadkii ayaa yiri; maxaad ugu qancin weysay?!
Ardaygii ayaa ku jawaabay:; "Sababtoo ah waxa Buuga ku qoran ma ahan wax xaqiiqda ka turjumayo.”
Macalinkii ayaa markale ku celiyay; "Sidee ku dhacday arintaasi?
Ardaygii ayaa markale ku jawaabay; " Macalinow Buuggu waxa uu leeyahay-
Dalkaygu waa wadan Hodan ah,” laakiin Gurigayagu waxa uu ka samaysan yahay
Dhoobo, sidoo kale, Dharkayga,
Boorsadayda, dhammaan Agabka Dugsiga, iyo xataa buugaagtayda waxaa noogu deeqay ururka samafal.
Ardayga oo hadalka sii wata ayaa yiri, Buuga sidoo kale wuxuu
leeyahay; "Dalkaygu waxa uu hodan ku
yahay Shidaal iyo Gaas” Laakiin ma haysano Gaas aan wax ku karsano,
Shidaalna warkii daa, Hooyaday wali waxay wax noogu karisaa qoryo. !!
Wiilka Ardayga ahaa oo Farda-baxaya ayaa sidoo kale yiri; "Buuga waxa uu leeyahay dalkaygu waa waddan khayraad badan leh” … laakiin maan arag wax kheyraad ah, waxaanse arkay isaga oo Kheyraadka dalka ku dhacaya jeebabka cidlo ah.!!
Sidoo kale, Buugu waxa uu leeyahay "dalkaygu waa dal Halyeeyo badan leh iyo ilbaxnimo sare– Balse Su’aasha Maskaxdayda ku jirtaa ayaa ah. ! Muxuu dalkayagu u yahay dal Faqri ah, halka dalalka kale ay horumareen. ?”
Ardaygii ayaa hadalkiisa ku soo Gunaanuday; "Buugu wuxuu leeyahay, Dadka Dalkayga u dhashay way u siman yihiin xuquuqda iyo waajibaadka,” Laakin anigu ma aanan qaadan xaqayagii qofnimo ama muwaadin ee aan dalka ku lahaa.!!!
Hadaba, Ma jecli in aan naftayda been u sheego, waana sababta aanan u qorin waajibka casharka Ustaadow, sidaas darteed, kuma aanan qancin waxa aan ka aqriyay Buuga.
Macalinkii amakaag ayaa ka soo haray. !!
Xigasho #Hussein Sahnuni
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!